L-E.T. Mons. Alessandro d’Errico, Nunzju Appostoliku għal Malta u l-Libja żar is-Seminarju tagħna nhar il-Ħamis 14 ta’ Diċembru 2017 filgħodu. Huwa ġie milqugħ mill-komunità u l-formators u kellu laqgħa mal-professuri li jgħallmuna. Wara l-laqgħa ġie meħud ritratt tal-okkażjoni u ġiet iċċelebrata quddiesa fil-kappella. Waqt l-omelija li kienet indirizzata lis-seminaristi huwa tkellem dwar il-karatteristiċi li jeħtieġ li jkollu s-saċerdot tallum u tal-futur. B’riferiment għall-eżortazzjoni appostolika Evangelii Gaudium hu tenna li s-saċerdot irid ikun lest li joħroġ ifittex in-ngħaġ il-mitlufa bil-ferħ u miftuħ għal pjanijiet ta’Alla. Din iż-żjara ntemmet permezz tal-pranzu.
