Mument sabiħ fis-Seminarju seħħ nhar is-Sibt 28 ta’ Diċembru. Dakinhar saret it-tħabbira tal-Avvent Imqaddes u saret ukoll il-preżentazzjoni tal-ikona għal din is-sena ta’ formazzjoni.
Waqt din iċ-ċelebrazzjoni, ir-Rettur, Dun Tony Sciberras qasam mal-komunità l-ħsieb tiegħu fil-bidu ta’ din is-sena liturġika. Ma naqasx ukoll il-kant Maranathà u innijiet oħra marbuta ma’ dan iż-żmien tal-Avvent. B’differenza mis-soltu, din is-sena l-ikona nħadmet minn seminarista. Daniel Mercieca ngħata dan l-impenn. L-ikona hija kopja mpittra tal-logo uffiċċjali tal-Ġublew tal-Ħniena (l-orġinali sar mill-pittur famuż Fr Marko Ivan Rupnik). Għalhekk filwaqt li ppreżenta l-ikona, Daniel spjega x’tifsira għandha. L-ikona turi lil Ġesù Kristu jerfa’ fuq spallejh ruħ mitlufa raffigurata fil-persuna ta’ Adam.
Temmejna din iċ-ċelebrazzjoni bit-talba tar-rużarju.
Ritratti
