Nhar il-Ħamis 14 ta’ Jannar ġie organizzat ir-raba’ Ħamis b’talb għal iktar vokazzjonijiet. Filgħodu bdejna bil-programm tas-soltu fis-Seminarju. Fl-4.00pm ġiet fi tmiemha l-adorazzjoni u wara l-komunità żaret il-parroċċa tal-Munxar. Hemm is-seminaristi flimkien mar-Rettur mexxew siegħa adorazzjoni għat-tfal u l-adolexxenti tal-parroċċa. Fl-ewwel parti tal-adorazzjoni r-Rettur tkellem ftit fuq il-Vanġelu tal-ġurnata b’riferiment għal waħda mill-prietki ta’ Dun Mikiel Attard. Fit-tieni parti xi seminaristi għamlu ħsieb għat-tfal fuq l-episodju mill-Vanġelu meta Ġesù stieden lil Pietru jistad fil-fond. Fi tmiem dan l-episodju Pietru ġie msejjaħ biex ikun sajjied tal-bnedmin.
L-appuntament li jmiss se jkun nhar il-Ħamis 11 ta’ Frar fis-6.30pm, fil-Parroċċa tal-Qala.