Anki din is-sena, il-komunità tas-Seminarju ta’ Għawdex qed torganizza ġurnata Adorazzjoni Ewkaristika kull l-ewwel Ħamis tax-xahar. L-iskop hu t-talb għall-Vokazzjonijiet. L-ewwel Adorazzjoni ta’ din ix-xorta saret nhar il-Ħamis 2 ta’ Ottubru 2014.
Il-komunità stiednet lin-nies biex jiġu fis-6.30am għat-talb tat-Tifħir ta’ Sbiħ il-Jum u wara jibqgħu għall-Quddiesa li fi tmiemha saret l-espożizzjoni ta’ Ġesù Ewkaristija. Tul il-ġurnata Ġesù baqa’ espost għall-adorazzjoni fis-skiet. F’nofsinhar is-seminaristi flimkien man-nies preżenti talbu t-Talba ta’ Nofs il-Jum u fis-7.00pm is-seminaristi animaw siegħa b’talb partikulari għall-kawża tal-beatifikazzjoni tal-Qaddej ta’ Alla Dun Mikiel Attard. L-Adorazzjoni ntemmet fl-10.00pm permezz tat-Talba ta’ Għeluq il-Jum u l-Barka Sagramentali.
Il-jum Adorazzjoni Ewkaristika li jmiss se jsir nhar il-Ħamis 6 ta’ Novembru u se jsegwi l-istess pogramm.
