Il-komunità tas-Seminarju ingħaqdet mal-Knisja fit-tħejjija għall-Jum Missjunarju. Dan għamlitu permezz ta’ ġimgħa ta’ attivitajiet bejn it-Tnejn 15 u l-Ħadd 21 ta’ Ottubru 2012, bit-tema: “Aqdu lil xulxin fl-imħabba” (Gal 5,14). Ta’ kuljum sar talb għall-Knisja ta’ kull kontinent partikulari. Il-Ħamis 18 ta’ Ottubru l-Grupp Missjunarju organizza laqgħa lill-istudenti tas-Seminarju Minuri li trattat il-parabbola taż-żerriegħa tal-mustarda u l-missjoni fil-Guatemala. L-għada filgħodu Mons. Ġorġ Grima ngħaqad mal-komunità għall-ewkaristija. Tulha hu qasam l-esperjenza tiegħu fil-missjoni. Hu stqarr li hi biss il-fidi f’Ġesù Kristu li żżomm lill-missjunarju sod, mimli kuraġġ u tama u ffukat fil-ħidma ta’ evanġelizzazzjoni li hu msejjaħ li jwettaq. Dan jgħodd għal kull Nisrani: il-lajk, il-ministru ordnat, imma b’mod speċjali għall-missjunarju.
Ġimgħa Missjunarja
-
- October 24, 2012
- 0
